25 сәуір күні «Таза Қазақстан» экологиялық акциясы аясында мектебімізде сенбілік өтті. Сенбілікке мектеп қызметкерлері белсене қатысып, ортақ іске өз үлестерін қосты.
Іс-шара барысында мектеп аумағы толықтай тазартылып, абаттандырылды. Сонымен қатар 1941–1945 жылдардағы Екінші дүниежүзілік соғысқа қатысқан және қаза тапқан батырларға арналған обелиск маңы да тазаланып, ретке келтірілді.
Тазалық – әр адамның мәдениетінің айнасы. Осындай игі шаралар арқылы біз қоршаған ортаға деген жауапкершілікті арттырып, өскелең ұрпаққа үлгі көрсетеміз.
