Құрметті Айыртау ауданының тұрғындары мен қонақтары!
Жаз мезгілінде, әсіресе маусым айында, аудан аумағында ағаштардан ұшатын тополи түгі (пух) қарқынды түрде таралады. Бұл зат өте оңай тұтанатын материал болып табылады. Тіпті шағын ғана ұшқынның өзі өртке себеп болуы мүмкін, ал желді күндері жалын үлкен аумаққа тез таралады.
Осыған байланысты Айыртау ауданының Төтенше жағдайлар бөлімі өрт қауіпсіздігі ережелерін қатаң сақтау қажеттігін ескертеді.
Есте сақтаңыздар:
Тополи түгі өте тез жанады. Ол сөндірілмеген темекі тұқылынан, шырпыдан немесе тіпті автокөлік глушителінен шыққан ұшқыннан тұтанып кетуі мүмкін.
Темекі тұқылын немесе шырпыны жерге тастамаңыз, әсіресе түк жиналған жерлерде — тұрғын үйлердің маңында, парктерде, аулаларда, балалар алаңдарында.
Тұрғын үйлердің, дүкендердің, мекемелердің айналасын және аулаларды тополи түгінен үнемі тазартып отырыңыз.
Ашық алаңдарда от жақпаңыз және қоқыс өртемеңіз. Ыстық және құрғақ ауа райында бұл өте қауіпті.
Балаларға ерекше назар аударыңыз!Өкінішке қарай, көптеген өрттер балалардың отпен ойнауы салдарынан туындайды — олар қызығушылықпен түкті шырпы немесе оттықпен тұтатуы мүмкін.
Балаларыңызбен алдын алу әңгіме жүргізіп, мұндай "ойынның" қаншалықты қауіпті екенін түсіндіріңіз.
Балаларды, әсіресе далада және түк жиналған жерлерде қараусыз қалдырмаңыз.
Өрт шыққан жағдайда 101 немесе 112 нөмірлеріне дереу хабарласыңыз.______________
Осы қарапайым ережелерді сақтау — өмірді, денсаулықты және мүлікті қорғауға, сондай-ақ ауданымызда төтенше жағдайлардың алдын алуға көмектеседі.
Қауіпсіздік – әрқайсымыздан басталады!
Айыртау ауданы Төтенше жағдайлар бөлімінің инженері
Сеитов Р.Т.
