Мектепте интернет кеңістігіндегі қауіпсіздік пен ата-аналар бақылауын күшейту мақсатында жалпы мектепішілік ата-аналар жиналысы ұйымдастырылды. Жиналыс барысында оқушылардың интернетті дұрыс әрі қауіпсіз пайдалану мәдениетін қалыптастыру, зиянды контенттен қорғау, кибербуллингтің алдын алу мәселелері жан-жақты қарастырылды.
Ата-аналарға заманауи цифрлық құралдар арқылы балалардың онлайн белсенділігін бақылау жолдары түсіндіріліп, арнайы ұсыныстар берілді. Сонымен қатар, интернеттегі қауіпсіздік ережелері мен ата-аналық бақылау қосымшалары туралы ақпараттық инфографикалар таратылып, олардың мазмұны түсіндірілді.
